«Barselona» bundan taxminan besh yil avval Xulian Alvaresni 20 million yevro evaziga sotib olish imkoniyatiga ega edi. Kataloniya klubiga argentinalik futbolchining xizmatlari u «Manchester Siti»ga transfer qilinishidan oldin taklif etilgan. Bu haqda jurnalist Xosep Mariya Mingelya ijtimoiy tarmoqlarda xabar berdi.
O‘shanda «Barselona» 20 million yevroni besh yil davomida bo‘lib-bo‘lib to‘lashi ham mumkin edi. Biroq «ko‘k-anorranglilar» Alvaresni sotib olishdan bosh tortishgan. Kataloniya klubi bor e’tiborini va tanlovini Ferran Torresga qaratgan.
Qayd etish joizki, 2026 yilning yozida «Barselona» Alvares uchun 100 million yevrodan ko‘proq pul to‘lashga tayyor turibdi.
