«Ливерпуль»нинг собиқ ҳимоячиси Деян Ловрен Муҳаммад Салоҳнинг шу ёзда инглиз клубини тарк этишга қарор қилгани сабабини тушунтириб берди. Унинг таъкидлашича, муаммо «қизиллар»нинг собиқ бош мураббийи Арне Слотда бўлган.

«Менимча, Салоҳнинг раҳбарият билан муносабатлари ёмон бўлмаган. Ҳамма гап бир киши — Арне Слотда эди. Уларнинг муносабатлари мураккаб эди. Салоҳ Клопп билан жуда яхши чиқишарди, доим ҳам ҳамма нарса идеал бўлмагандир, лекин улар бир-бирига ишонишарди. Муҳаммад майдонда бор кучини берарди, Клопп эса унга ишонч бағишларди. Бироқ Слот билан ҳаммаси бунинг тескариси бўлди», – дея Ловреннинг сўзларини келтиради winwin нашри.

Эслатиб ўтамиз, Арне Слот 2025/26 йилги мавсум якунидан сўнг «Ливерпуль»дан бўшатилган эди. «Қизиллар»нинг янги мураббийи этиб Андони Ираола тайинланди.