Мадриднинг «Реал» клуби ярим ҳимоячиси Тьяго Питарч Испания чемпионатини Англия Премьер-лигасига алмаштириши мумкин. Бу ҳақда «Fichajes» журналистлари хабар бермоқда.

Манбанинг маълумотларига кўра, 18 ёшли испаниялик ярим ҳимоячини сотиб олишга «Брентфорд» клуби қизиқиш билдирмоқда. Инглиз клуби раҳбарияти футболчининг трансфери учун 25 миллион евро ажратишга тайёр.

Питарч ва «қаймоқранглилар» ўртасидаги амалдаги меҳнат шартномаси муддати кейинги йилнинг июнь ойи охирида якунига етади. «Transfermarkt» портали футболчининг баҳосини 20 миллион еврога баҳолаган.

Ла Лиганинг якунланган мавсумида Тьяго 10 та ўйинда майдонга тушиб, 2 та голли узатмани амалга оширди.