«Реал Мадрид» президенти Флорентино Перес машҳур «Негрейра иши» бўйича ўз фикрларини бир неча бор билдириб ўтган эди. Перес «Барселона»нинг қаттиқ жазоланишига эришмоқчи — Мадрид клуби Каталония грандининг ҳакамлар техник қўмитаси собиқ вице-президентига қилган тўловлари ҳакамларга таъсир ўтказиш билан боғлиқ бўлган деб ҳисоблайди. Ўз навбатида, «кўк-анорранглилар» бу маблағлар фақатгина ҳакамлик бўйича ҳисоботлар учун тўланганини илгари суришган.

AS нашрининг хабар беришича, «Реал» аллақачон УEФАга ушбу иш бўйича кенг қамровли ҳисобот юборган. Мадридликлар «Барселона»ни ўша йиллар давомида қўлга киритган барча титулларидан маҳрум қилишга уринмоқда. Бундан ташқари, «қаймоқранглилар» Каталония клубининг еврокубоклардан четлатилишини ҳам талаб қилишмоқда.

УEФА мазкур масала бўйича якуний қарорни ушбу иш юзасидан олиб борилаётган суд жараёнлари тўлиқ якунланганидан сўнг қабул қилади.