Жозе Моуриньо тез орада «Реал Мадрид» бошқарувини қўлга олади. Португалиялик мутахассис айни дамда жамоанинг кейинги мавсум учун таркиб режаларини тузиш билан банд.

The Sun нашрининг тарқатган хабарига кўра, Моуриньо ярим ҳимоячи Орельен Тчуаменини «Реал»да сақлаб қолишга қарор қилган. 26 ёшли франциялик футболчига қизиқиш билдираётган «Манчестер Юнайтед» клуби The Special Oneнинг ушбу қароридан аллақачон хабардор бўлган.

Нуфузли Transfermarkt портали Орельен Тчуаменини 70 миллион еврога баҳоламоқда. Франциялик футболчи «Реал» сафида жами 195 та ўйинда майдонга тушиб, 7 та гол урди ва 8 та голли узатмани амалга оширди. Тчуаменининг мадридликлар билан шартномаси 2028 йилнинг ўрталарига қадар мўлжалланган.