Флорентино Перес «Реал» президентлиги учун ўтказилган сайловларда ғалаба қозонди. Энди Мадрид клуби трансфер бозорида таркибни кучайтириш устида иш олиб боради.
Перес жамоа сафига Ибраима Конате келиб қўшилиши ҳақида гапирган эди — хабарларга кўра, у аллақачон шартнома имзолаган ва Жаҳон чемпионатидан сўнг «қаймоқранглилар» ихтиёрига етиб келади.
Шу тариқа, «Реал»да франциялик футболчилар сони беш нафарга етади. Айни пайтда «қаймоқранглилар» шарафини Килиан Мбаппе, Орельен Тчуамени, Эдуардо Камавинга ва Ферлан Менди ҳимоя қилмоқда. Ибраима Конате ҳам ушбу рўйхатни тўлдириши аниқ.
«Реал» 2025/2026 йилги мавсумни совринларсиз якунлади. Испания чемпионатида жамоа иккинчи ўринни эгаллади.
