«Вулверхэмптон» ҳимоячи Киран Триппьер билан шартнома имзолаганини эълон қилди. 35 ёшли футболчи клубга эркин агент мақомида қўшилди ва у билан 2 йиллик шартнома тузилди.

Триппьер жамоанинг янги бош мураббийи Роб Эдвардснинг ёздаги илк хариди бўлди. Бу трансфер клубни яна АПЛга қайтариш мақсадида таркибни қайта қуриш режасининг бир қисми сифатида қаралмоқда.

Ҳимоячи бундан аввалги тўрт йилни «Ньюкасл»да ўтказиб, жамоа етакчиларидан бирига айланган эди. Фаолияти давомида «Тоттенхэм», «Атлетико» ҳамда «Бёрнли» клубларида ҳам ўйнаган. Англия терма жамоаси сафида эса 54 та учрашувда майдонга тушган.

«Вулверхэмптон» раҳбарияти тажрибали ҳимоячининг етакчилик фазилатлари жамоанинг инглиз футболи элитасига қайтишида катта ёрдам беришига ишонч билдирмоқда.