Англия терма жамоасининг собиқ вингери Тео Уолкотт Маркус Рэшфордни жаҳон чемпионатида кўришдан жуда хурсанд бўлишини маълум қилди. 28 ёшли инглиз футболчиси якунланган мавсумни «Манчестер Юнайтед»дан ижарага олинган ҳолда «Барселона»да ўтказди.

«Бу мавсумда Рэшфорд ажойиб ҳаракат қилди. Мен уни кўп кузатдим. «Барселона» ўйинларини томоша қилишни яна яхши кўриб қолдим ва Рэшфорднинг ўйинига кўпроқ қизиқа бошладим. У жуда яхши ҳаракат қилди.

Мен учун у Англия терма жамоасининг юз фоизлик асосий таркиб ўйинчисидир. У майдонда эркин ва завқланиб тўп сурмоқда. Биз унинг табассумини кўришни хоҳлаймиз.

Рэшфорд ушбу турнирнинг муҳим қисмига айланади. Уни ўйинини интиқлик билан кутяпман. Барча футболчилар ичида у мени ҳаммадан кўра кўпроқ илҳомлантирмоқда.

Менимча, у хорижга йўл олиб, жасорат кўрсатди — инглиз футболчиларининг четга кетиши жуда яхши. Мен ўзим бунга етарлича ботин олмагандим, аммо унинг қилган иши кучли характерга эга эканлигидан далолат беради», — деди Уолкотт «The Wayne Rooney Show» подкастида.