«Манчестер Сити» Эллиот Андерсон бўйича иккинчи таклифни тайёрламоқда, деб хабар бермоқда журналистлар Алекс Крук ва Бен Жейкобс.

Аввалроқ «шаҳарликлар» «Ноттингем Форест» ярим ҳимоячисининг трансфери бўйича дастлабки таклифни юборишгани, бироқ «ўрмончилар» томонидан рад жавоби берилгани маълум бўлган эди. Клуб Англия терма жамоасининг 23 ёшли ярим ҳимоячиси учун 80 миллион фунт стерлингдан кўпроқ маблағ тўлашга тайёр эканлиги айтилмоқда.

«Манчестер Юнайтед» ҳам Андерсонни сотиб олиш умидини узмаяпти, бироқ «Сити» бу пойгада анча қулайроқ позицияда эканлигини тушуниб турибди.

Якунланган мавсумда Эллиот АПЛда 38 та ўйинда майдонга тушиб, 4 та гол уришга муваффақ бўлди.