«Реал» президенти Флорентино Перес Рим папаси Лев XIV га жамоанинг унинг номи туширилган махсус футболкасини совға қилди.
8 июнь куни «Сантьяго Бернабеу» стадионида Рим папасининг Мадрид епархияси жамоаси билан учрашуви бўлиб ўтди.
Тадбир давомида Перес понтификка унинг дунёвий исми — Роберт Фрэнсис Превост ёзилган ва орқа қисмига 1-рақам туширилган «Қироллик клуби» футболкасини тақдим этди. Шунингдек, унга жамоанинг уй стадиони бўлган «Сантьяго Бернабеу»нинг кичик нусхаси ҳам совға қилинди.
Рим папаси Лев XIV эса ўз навбатида Флорентино Пересга эсдалик медалини топширди.













