Аргентина терма жамоаси устози Лионель Скалони 38 ёшли ҳужумчи Лионель Месси Исландия терма жамоасига қарши кечадиган бўлажак ўртоқлик учрашувида майдонга тушадими ёки йўқми — шу ҳақдаги саволга жавоб берди.
«Лео ўйнайди. Аммо унинг майдонда неча дақиқа ҳаракат қилишини аниқ айта олмайман. Буни машғулот пайтида муҳокама қиламиз. Биз ҳар қандай таваккалчиликдан қочишимиз керак. Якуний қарор қабул қилинади», — дея мутахассиснинг сўзларини келтирмоқда ESPN.
Эслатиб ўтамиз, юлдузли ҳужумчи «альбиселесте» (Аргентина терма жамоаси) ихтиёрига мушак жароҳати билан етиб келган эди.
Жаҳон чемпионати—2026 гуруҳ босқичида Аргентина терма жамоаси Австрия, Жазоир ва Иордания терма жамоаларига қарши баҳс олиб боради.
