«Хоффенхайм» клуби «Твенте»дан чап қанот ҳимоячиси Матс Ротснинг трансферини расман эълон қилди. 20 ёшли футболчи Бундеслига клуби билан узоқ муддатли шартнома имзолади. Келишувнинг молиявий шартлари ошкор қилинмаяпти.

Нидерландия чемпионатининг якунланган мавсумида Ротс 34 та ўйинда майдонга тушиб, ўз ҳисобига 4 та гол ва 4 та голли узатмани ёздириб қўйди. Ҳимоячи «Твенте»нинг асосий жамоаси таркибида умумий ҳисобда 50 та учрашувда қатнашиб, 5 та гол уришга муваффақ бўлган. Шунингдек, Ротс Нидерландия ёшлар терма жамоаси аъзоси ҳисобланади.

Бундеслиганинг ўтган мавсумида «Хоффенхайм» 61 очко жамғарган ҳолда турнир жадвалини бешинчи поғонада якунлаган эди.