Лондоннинг «Арсенал» клуби ёзги трансфер ойнасида фаол иш олиб боришни режалаштирмоқда. Жамоа ҳужум чизиғини кучайтириш учун номзодлардан бири сифатида «Ювентус» вингери Кенан Йилдизни кўриб чиқаётган эди.

Бироқ, The Athletic нашри тарқатган хабарга кўра, Турин клуби 21 ёшли футболчи билан хайрлашиш ниятида эмаслигини аниқ маълум қилган. Бундан сўнг «Арсенал» диққатини бошқа номзодларга қаратган.

Туркиялик футболчи А Сериянинг якунланган мавсумида 36 та учрашувда майдонга тушиб, 10 та гол урди ва 7 та голли узатмани амалга оширди. Чемпионлар лигасида эса у 10 та ўйинда 4 та голли вазиятда бевосита иштирок этди. Футболчининг туринликлар билан шартномаси 2030 йилнинг ёзигача амал қилади, унинг трансфер бозоридаги баҳоси эса 75 миллион еврога баҳоланмоқда.