Дортмунднинг «Боруссия» клуби «Хоффенхайм» ҳужумчиси Фисник Аслланини кузатишда давом этмоқда. Бу ҳақда «Bild» нашри хабар бермоқда.

Манба берган маълумотларга кўра, футболчининг атрофидагилар (вакиллари) ва клуб ўртасида аллақачон музокаралар бўлиб ўтган. Косово терма жамоаси шарафини ҳимоя қилувчи 23 ёшли футболчининг ўзи ҳам ушбу трансферга тайёр эканлигини билдирган.

«Боруссия» раҳбарияти аниқ қадамлар фақат таркибдаги ўзгаришлардан кейингина ташланишини таъкидламоқда. Бу борада Серу Гирасси ва Карим Адейеми билан боғлиқ вазиятлар ҳал қилувчи аҳамиятга эга: уларнинг иккаласи ҳам клубда қолар экан, Аслланининг трансфери амалга ошиши амримаҳол.

Асллани «Эльверсберг»даги ажойиб ўйинларидан сўнг бир қатор клублар эътиборини тортган эди, кейинчалик эса «Хоффенхайм» таркибида Бундеслигада ҳам ўз даражасини исботлай олди. Якунланган мавсумда у клуб миқёсида жами 35 та ўйинда майдонга тушиб, 11 та гол урди ва 10 та голли узатмани амалга оширди. Унинг амалдаги шартномасида футболчини 25–30 миллион евро эвазига сотиб олиш мумкинлиги ҳақидаги банд мавжуд.