Гельзенкирхеннинг «Шальке» клуби расмий сайтида дарвозабон Лорис Кариус билан шартномани узайтирганини эълон қилди.
Футболчининг «кончилар» билан янги меҳнат шартномаси 2028 йилнинг ёзигача мўлжалланган.
«Ўтган мавсум, агар биз биргаликда, ҳамжиҳатликда ва диққатни жамлаб ҳаракат қилсак, жамоа сифатида нималарга қодирлигимизни кўрсатди. Айнан шу сабабли мен шартномани узайтиришга қатъий қарор қилдим. Янги мавсумни ва Бундеслигага қайтишни сабрсизлик билан кутяпман», — дея Кариуснинг сўзларини келтиради немис клубининг расмий сайти.
Лорис Кариус 2025 йилнинг январидан буён «Шальке» сафида тўп суради.
Ўтган клуб мавсумининг 31 ўйинида футболчи 13 марта ўз дарвозаси дахлсизлигини сақлаб қолди. Ўша мавсум якунларига кўра жамоа Бундеслигага йўл олди.
