Мадриднинг «Реал» клуби расмий баёнот бериб, жамоа бош мураббийи Альваро Арбелоа билан ҳамкорлик тўхтатилганини маълум қилди.

«Реал Мадрид» ва Альваро Арбелоа биринчи жамоа бош мураббийи лавозимидаги фаолиятини якунлаш бўйича келишувга эришди. Клуб Альварога ўзининг самимий миннатдорчилигини билдиради. У академиямизга келган илк кунларидан бошлаб клубдаги бутун фаолияти давомида садоқат, масъулият ва профессионалликни намоён этди. Унинг шахси клубимиз қадриятларининг ёрқин намунаси ҳисобланади. Доимо унинг уйи бўлиб қоладиган «Реал» Альваро Арбелоа ва унинг бутун оиласига ҳаётларининг янги босқичида улкан муваффақият ва омад тилайди», — дейилади баёнотда.

Яқин вақт ичида «Реал»нинг янги бош мураббийи этиб Жозе Моуринью тайинланиши кутилмоқда. Португалиялик мутахассис аввал ҳам 2010–2013 йиллар давомида мадридликлар жамоасини бошқарган.