Мадриднинг «Реал» клуби яна «Бавария» чап қанот ҳимоячиси Альфонсо Дэвис трансфери ҳақида ўйлай бошлади. Каналик футболчи узоқ вақт давомида «қаймоқранглилар»нинг трансфер мақсади бўлиб келганди, бироқ якунда у Мюнхен гранди билан шартномасини 2030 йилгача узайтирди ва шундан сўнг миш-мишлар тинчиган эди.

Madrid Universal нашри хабарига кўра, «Реал» яна Дэвисни сотиб олмоқчи, аммо 25 ёшли футболчининг юқори маоши туфайли бу келишувнинг амалга ошиши амримаҳол. Қайд этилишича, клубнинг янги бош мураббийи Жозе Моуриньо ушбу футболчи истеъдодининг катта мухлиси ҳисобланади.

Transfermarkt талқинига кўра, Альфонсо Дэвиснинг бозор қиймати 40 миллион еврони ташкил қилади. Якунланган мавсумда латераль Венсан Компани жамоаси сафида 23 та ўйинда майдонга тушиб, 1 та гол ва 5 та голли узатмани ўз ҳисобига ёздириб қўйган.