Аргентина миллий терма жамоаси ўртоқлик учрашувида Исландия терма жамоасини 3:0 ҳисобида мағлуб этди. Ўйин АҚШнинг Оберн шаҳридаги «Жордан-Хейр» стадионида бўлиб ўтди.

Учрашувнинг 8-дақиқасида Аргентина ярим ҳимоячиси Валентин Барко ҳисобни очди. 72-дақиқада ҳужумчи Лионель Месси пенальтини аниқ амалга ошириб, жамоасининг устунлигини мустаҳкамлади. Ўйинга нуқтани эса 87-дақиқада Тьяго Альмада қўйди ва ҳисобни йирик кўринишга олиб келди.

Аргентина терма жамоаси 2026 йилги жаҳон чемпионатида иштирок этади. Аргентиналиклар J гуруҳида Жазоир, Австрия ва Иордания терма жамоалари билан баҳс олиб боради.

Исландия эса мундиалга йўлланма ола олмаган.

Эслатиб ўтамиз, Аргентина амалдаги жаҳон чемпиони ҳисобланади. Жамоа 2022 йилги жаҳон чемпионатида ғолиб чиққан эди.

Ўртоқлик учрашуви
10 июнь 2026 йил
Аргентина — Исландия — 3:0
Голлар: Валентин Барко, 8 (1:0), Лионель Месси, 72-пенальти (2:0), Тьяго Альмада, 87 (3:0).