Оливер Гласнернинг Италиянинг «Милан» клуби бош мураббийи этиб тайинланиш эҳтимоли жуда юқори баҳоланмоқда. Агар у ушбу лавозимга тайинланса, ўзининг собиқ жамоаси «Кристал Пэлас»нинг энг яхши ҳужумчиларидан бири Жан-Филипп Матетани миланликлар сафига таклиф этади.
«Милан» учун Матета асосий марказий ҳужумчи вазифасини бажариши кутилмоқда — сўнгги йилларда Италия клубида айнан шундай футболчининг йўқлиги жуда яққол сезилаётган эди.
Қайд этиш жоизки, «Милан» ўтган қишдаёқ Матетани 30 миллион еврога сотиб олишга уриниб кўрган, бироқ ўшанда трансфер амалга ошмай қолганди. Катта эҳтимол билан, ҳозир ҳам франциялик футболчининг нархи айнан шу рақамлар атрофида муҳокама қилинади.
