Oliver Glasnerning Italiyaning «Milan» klubi bosh murabbiyi etib tayinlanish ehtimoli juda yuqori baholanmoqda. Agar u ushbu lavozimga tayinlansa, o‘zining sobiq jamoasi «Kristal Pelas»ning eng yaxshi hujumchilaridan biri Jan-Filipp Matetani milanliklar safiga taklif etadi.
«Milan» uchun Mateta asosiy markaziy hujumchi vazifasini bajarishi kutilmoqda — so‘nggi yillarda Italiya klubida aynan shunday futbolchining yo‘qligi juda yaqqol sezilayotgan edi.
Qayd etish joizki, «Milan» o‘tgan qishdayoq Matetani 30 million yevroga sotib olishga urinib ko‘rgan, biroq o‘shanda transfer amalga oshmay qolgandi. Katta ehtimol bilan, hozir ham fransiyalik futbolchining narxi aynan shu raqamlar atrofida muhokama qilinadi.
