Халқаро футбол федерацияси раҳбари Жанни Инфантино бўлажак жаҳон чемпионати – 2026 ўйинларига чипталар нархи ҳақида фикр билдирди.
«Мундиал ўйинларининг нархи АҚШдаги бошқа спорт турларининг барча плей-офф босқичларидагига қараганда пастроқ. Биз чипталарни сотувга чиқарганимизда, улар юқорироқ нархда сотилмоқда. Бу ҳаммаси тўғри эканлигини кўрсатади. Бундай қарорлар синчковлик билан ўтказилган таҳлиллардан сўнг қабул қилинади», - дея раҳбарнинг сўзларини келтиради The Athletic.
Жаҳон чемпионати - 2026 АҚШ, Канада ва Мексикада 11 июндан 19 июлгача бўлган даврда бўлиб ўтади. Амалдаги титул соҳиби Аргентина миллий терма жамоаси ҳисобланади.
