«Челси» собиқ бош мураббийи Лиам Росаньор «Ипсвич»да иш бошлаши мумкин. «Тракторчилар» якунланган мавсум натижаларига кўра Премьер-лигага қайтишди, бироқ устозсиз қолишди. Киран Маккенна лавозимини тарк этиб, вақтинчалик мураббийлик фаолиятидан узоқлашишга қарор қилди.
Журналист Бен Жейкобснинг маълумотларига кўра, «Ипсвич» раҳбарияти Росаньор номзодини кўриб чиқмоқда, шунингдек, шорт-листдан Франциянинг «Страсбург» клубидан Гари О’Нил ҳам жой олган.
Лиам Росаньор январь ойида «Челси» бошқарувига келган эди, аммо апрель ойидаёқ истеъфога чиқарилди. Бундан олдин англиялик мутахассис ўша «Страсбург» клубида муваффақиятли фаолият юритган. Киран Маккенна эса «Ипсвич»даги лавозимини 2021 йилнинг декабридан бери эгаллаб келаётган эди.
