Испания терма жамоаси бош мураббийи Луис де ла Фуэнте чап оёқ сон мушагидан жароҳат олган ҳолда миллий жамоа йиғинига қўшилган ҳужумчи Ламин Ямалнинг ЖЧ–2026 гуруҳ босқичидаги дастлабки учрашувларда қанча вақт майдонга тушиши бўйича қарор қабул қилди. Бу ҳақда Sport.es нашри хабар бермоқда.
Манба маълумотларига кўра, 18 ёшли футболчи Кабо-Вердега қарши баҳсда 15–20 дақиқа майдонга тушади. Бу орқали Ямалнинг ўйин амалиёти ва рақобат муҳитига қайта мослашиши кўзда тутилган.
Шунингдек, 21 июнь куни Саудия Арабистонига қарши бўлиб ўтадиган 2-тур учрашувида унга тахминан 30 дақиқа ўйин вақти берилиши режалаштирилмоқда.
Нашрнинг ёзишича, 27 июнь куни Уругвайга қарши ўтадиган 3-тур баҳсида Ямал ҳатто асосий таркибда майдонга тушиши ҳам мумкин.
Аввалроқ, 11 июнь, пайшанба куни Ламин Ямал Испания терма жамоасининг умумий гуруҳ машғулотларига қайтгани ҳақида хабарлар тарқалган эди.













