Швециялик ҳужумчи Златан Ибрагимович Жаҳон чемпионатларида гол ура олмаганидан афсусда эканлигини тан олди. Эслатиб ўтамиз, Златан дунёнинг бош футбол форумида икки марта иштирок этган.
“Мен Жаҳон чемпионатида икки бор қатнашдим. Бир томондан, омадим келди. Бошқа томондан эса, мен ҳужумчиман — оммага эса ҳужумчиларнинг голлари муҳим. Мен эса Жаҳон чемпионатида бирорта ҳам гол ура олмаганман ва бундан афсусдаман”, — дея Златан Ибрагимовичнинг сўзларини келтиради pianetamilan.it.
Эслатиб ўтамиз, Швеция терма жамоаси жума куни кечқурун старт олган Жаҳон чемпионатига йўлланма олган. Жамоа “F” гуруҳида Нидерландия, Япония ва Тунис терма жамоаларига қарши майдонга тушади.
