Ҳафта бошида “Вулверхэмптон” ҳимоячи Киран Триппьернинг трансферини эълон қилган эди — 35 ёшли футболчи 1 июлдан кучга кириши керак бўлган шартномага қўл қўйганди. Бироқ орадан бир неча кун ўтиб, “бўрилар” кутилмаганда бош мураббий Роб Эдвардсни лавозимидан бўшатди.
Эндиликда Триппьер ўзини алдангандек ҳис қилмоқда, чунки унинг “Вулверхэмптон”га ўтиш қарорида айнан Эдвардс қўл остида ўйнаш асосий омил бўлган эди, мутахассис футболчини ўз жамоасида кўришни жуда ҳам хоҳлаганди.
Sky Sports нашрининг хабар беришича, ҳозирда Триппьер ўз вариантларини, жумладан, ҳали кучга киришга улгурмаган шартномани бекор қилиш имкониятларини ўрганмоқда.
Эслатиб ўтамиз, “Вулверхэмптон” Премьер-лигада 20-ўринни эгаллаб, Чемпионшипга равона бўлган эди.
