Мексика терма жамоаси бош мураббийи Хавьер Агирре 2026 йилги Жаҳон чемпионатининг очилиш ўйинида ЖАР устидан қозонилган ғалабадан (2:0) сўнг ўз шогирдларининг ўйинини танқид қилди.
"Менга ўйинимиз ёқмади. Албатта, Жаҳон чемпионатини ғалаба билан бошлаш ёмон эмас. Биринчи бўлимда бизга яна бир гол етишмади, айниқса тўп устунга теккан вазиятдан кейин. Иккинчи бўлимда, иккинчи голдан сўнг хотиржамликка берилдик, кейин эса майдонга янги футболчилар тушган бўлса-да, бошқа гол ура олмадик”, — деди Агирре TV Azteca эфирида.
Мураббий Жаҳон чемпионатларидаги илк голини урган ҳужумчи Рауль Хименес ҳақида алоҳида тўхталиб ўтди. Форвард ушбу голини жорий йилда вафот этган отасига бағишлади. “У яхши йигит ва гўёки иккинчи ёшлигини бошдан кечирмоқда. Унда янги кучлар пайдо бўлди. У бу менинг Жаҳон чемпионатим бўлади, деб айтяпти”, — дея таъкидлади мутахассис.
