Швециялик собиқ ҳужумчи Златан Ибрагимович ўзига содиқ қолган ҳолда жамоатчиликни ҳайратда қолдиришда давом этмоқда. Бу сафар у Лионель Мессининг ўйинларидан завқ олаётган америкалик футбол ишқибозларига ўзининг аргентиналик футболчидан, шунингдек, Криштиану Роналдудан ҳам устун эканлигини маълум қилди.

“Мен Мессини танийман, биз у билан “Барселона”да бирга ўйнаганмиз. Месси ва Роналду каби футболчилар ҳақидаги фикрлар ҳар ҳафта ўзгариб туради. Аммо агар сиз Златаннинг энг ёмон талқинини олмоқчи бўлсангиз ҳам, шундай дейман — мен Месси ва Роналдудан яхшироқман”, — дея Златан Ибрагимовичнинг сўзларини келтиради pianetamilan.it.

Эслатиб ўтамиз, Златан Ибрагимович ҳам, Месси каби, ўз вақтида Шимолий Американинг МЛС лигасида тўп тепган.