Мадриднинг «Атлетико» клубига тегишли бўлган словениялик дарвозабон Ян Облак фаолиятини Италия А Сериясида давом эттириши мумкин. Бу ҳақда инсайдер Жанлука Ди Марцио хабар бермоқда.
Журналистнинг маълумотларига кўра, Туриннинг «Ювентус» клуби голкиперни ўз сафига қўшиб олишга қизиқиш билдирмоқда. Агар «Астон Вилла»дан аргентиналик Эмилиано Мартинес трансфери амалга ошмай қолса, «кекса синьора» Облакни қўлга киритишга ҳаракат қилиб кўриши мумкин.
33 ёшли словениялик посбон 2014 йилнинг ёзидан буён Мадрид гранди шарафини ҳимоя қилиб келмоқда. Томонлар ўртасидаги амалдаги меҳнат шартномаси 2028 йилнинг июнь ойи охирида якунига етади. Футболчининг трансфер бозоридаги нархи 15 миллион еврога баҳоланмоқда.
