«Брайтон» клуби «Тоттенхэм»га 19 ёшли хорватиялик ҳимоячи Лука Вушковични сотиб олиш бўйича тахминан 35 миллион евролик таклиф юборди. Бу ҳақда The Athletic нашри хабар бермоқда.
Футболчига Европанинг яна бир қатор клублари ҳам қизиқиш билдирмоқда, бироқ Вушковичнинг ўзи фаолиятини ривожлантириш учун «Брайтон»ни энг маъқул вариант деб ҳисоблайди. Бу кўп жиҳатдан жамоа бош мураббийи Фабиан Хюрцелер билан боғлиқ бўлиб, футболчи у билан «Гамбург»даги ижара муддати орқали таниш.
Бундеслиганинг якунланган мавсумида ҳимоячи 28 та ўйинда майдонга тушиб, 6 та гол урди ва Европанинг энг истиқболли футболчиларидан бири мақомини мустаҳкамлади. Шунингдек, Вушкович Хорватия терма жамоасининг 2026 йилги Жаҳон чемпионати учун қайдномасига киритилган.
«Тоттенхэм» ушбу ўйинчини 2023 йилда «Хайдук»дан тахминан 12 миллион еврога сотиб олган эди, унинг шартномаси эса 2030 йилгача мўлжалланган. Футболчи ўз келажаги борасидаги якуний қарорни турнир (ЖЧ-2026) якунланганидан кейин қабул қилади.
