«Милан» ва Италия терма жамоасининг собиқ ҳимоячиси Иньяцио Абате «Торино» клуби бош мураббийи лавозимига тайинланди. Бу ҳақда «буқалар» клуби ижтимоий тармоқлари орқали маълум қилди.

Мутахассис билан 2028 йил ёзига қадар мўлжалланган меҳнат шартномаси имзоланди.

Футболчилик фаолияти давомида Иньяцио Абате «Милан», «Наполи», «Эмполи», «Торино» ҳамда яна бир қатор жамоалар сафида тўп сурган. Шунингдек, у Италия терма жамоаси таркибида ҳам бир нечта учрашувларда иштирок этган.

Мураббийлик фаолиятида Абатенинг сўнгги иш жойи Италия В сериясида иштирок этувчи «Юве Стабия» клуби бўлган.

Ўтган мавсум якунларига кўра, «Торино» Италия А серияси мусобақасида 12-ўринни эгаллади. Туринликлар мамлакат чемпионатини етти марта қўлга киритган.