«Милан» «Ал-Аҳли» бош мураббийи Маттиас Яйссле билан алоқаларни қайта тиклади. Бу ҳақда журналистлар Фабрицио Романо ва Маттео Моретто хабар бермоқда. Манбаларга кўра, томонлар аллақачон юзма-юз учрашув ўтказишган.
Бу қарор Оливер Гласнер номзоди атрофидаги мавҳумлик фонида қабул қилинди. Гласнернинг тайинланиши кўп жиҳатдан Ральф Рангникнинг клубга техник директор этиб келишига боғлиқ эди. Сўнгги маълумотларга кўра, германиялик мутахассис музокаралар чўзилиб кетганидан ҳафсаласи пир бўлган ва Австрия терма жамоасида қолишга қарор қилган.
Яйссле Осиё Чемпионлар лигасида ғолиб чиққан «Ал-Аҳли» клубида муваффақиятли фаолият юритмоқда. Унинг «Милан»га ўтишини шартномасидаги 6 миллион евро миқдоридаги товон пули кўзда тутилган банд қийинлаштирмоқда.
«Милан»нинг бош мураббийи борасида якуний қарор ҳали қабул қилинмаган. Муқобил вариантлар сифатида Рубен Аморим, Арне Слот ва Маурисио Почеттино номзодлари ҳам тилга олинмоқда.
