Мадриднинг “Реал” клуби ҳужумчиси Килиан Мбаппе “Барселона” шарафини ҳимоя қилаётган Франция терма жамоасидаги шериги Жюль Кунде билан муносабатлари ҳақида гапириб берди.
“Ҳозир биз “ПСЖ”да ўйнаган пайтларимдагига қараганда бир-биримиз билан кўпроқ ҳазиллашиб, пичинг қилиб турамиз. Охирги пайтларда кўпроқ унинг гапи устун келмоқда, чунки биз “Реал” ғалаба қозона олмаяпмиз, лекин Кунде иккимиз клуб ишлари билан терма жамоадаги ўйинларни ажратишни доим билганмиз. Жюль — ажойиб йигит, у билан кўплаб мавзуларда, жумладан, сиёсат ҳақида ҳам гаплашишим мумкин”, — дея Мбаппенинг сўзларини Madrid Universal нашри келтиради.
Францияликлар Жаҳон чемпионатидаги юришини Сенегалга қарши учрашув билан бошлашади.
