Лондоннинг “Арсенал” клуби “Ювентус” футболчиси Кенан Йилдизга даъвогарлар қаторида қолмоқда. Туркиялик ҳужумчи “канонирлар”нинг асосий трансфер мақсадларидан бирига айланди.
Журналист Саша Тавольерининг берган маълумотларига кўра, 21 ёшли ўйинчини инглиз гранди сафига қўшиб олишни шахсан бош мураббий Микель Артета истамоқда. “Арсенал” A Серия юлдузи учун тахминан 100 миллион евро таклиф қилишга тайёр.
Бундан аввалроқ “Ювентус” Кенан Йилдизни сотиш вариантини умуман кўриб чиқмаслиги ва уни жамоанинг “даҳлсиз” аъзоси деб ҳисоблаши ҳақида кўп бор хабар берилган эди. Ҳужумчининг клуб билан амалдаги шартномаси 2030 йилгача мўлжалланган бўлиб, Transfermarkt порталидаги баҳоси 75 миллион еврони ташкил этади.
