Италиянинг «Милан» клуби хорватиялик ярим ҳимоячиси Лука Модрич якунланган мавсумда жамоадошларига энг аниқ пас узатган футболчи бўлди. Унинг узатмалари аниқлиги даҳшатли 98,1 фоизни ташкил этди — бошқача айтганда, Модричнинг ҳар юзта узатмасидан фақат иккитаси ноаниқ кетган.

Ушбу нуфузли рўйхатда иккинчи ўринни Алеш Гарсия эгаллади — 97,1 фоиз аниқ узатма. Бу кўрсаткич бўйича кучли учликни 95,8 фоизлик натижа билан Йозуа Киммих якунлаб берди.

Шунингдек, «Барселона» аъзоси Педри ҳам айнан шундай кўрсаткичга эга, бироқ у жароҳатлари сабабли доим ҳам майдонга тушмагани боис, узатган пасларининг умумий сони жиҳатидан Киммихдан орқада қолган.