Italiyaning «Milan» klubi xorvatiyalik yarim himoyachisi Luka Modrich yakunlangan mavsumda jamoadoshlariga eng aniq pas uzatgan futbolchi bo‘ldi. Uning uzatmalari aniqligi dahshatli 98,1 foizni tashkil etdi — boshqacha aytganda, Modrichning har yuzta uzatmasidan faqat ikkitasi noaniq ketgan.
Ushbu nufuzli ro‘yxatda ikkinchi o‘rinni Alesh Garsiya egalladi — 97,1 foiz aniq uzatma. Bu ko‘rsatkich bo‘yicha kuchli uchlikni 95,8 foizlik natija bilan Yozua Kimmix yakunlab berdi.
Shuningdek, «Barselona» a’zosi Pedri ham aynan shunday ko‘rsatkichga ega, biroq u jarohatlari sababli doim ham maydonga tushmagani bois, uzatgan paslarining umumiy soni jihatidan Kimmixdan orqada qolgan.
