Туриннинг «Ювентус» клуби Лондоннинг «Арсенал» клуби томонидан туркиялик ярим ҳимоячи Кенан Йилдизга бўлаётган қизиқишга муносабат билдирди.
The Athletic журналистларининг хабар беришича, «кекса синьора» раҳбарияти «канонирлар»га 21 ёшли вингер сотилмаслигини уқтирган. Шу сабабли, Англиянинг топ-клуби эътиборини бошқа вариантларга қаратишга қарор қилди.
Италия А Сериясининг якунланган мавсумида Кенан 36 та учрашувда майдонга тушиб, ўз ҳисобига ўнта гол ва олтита голли узатмани ёзиб қўйган эди.
Йилдиз ва «Ювентус» ўртасидаги амалдаги меҳнат шартномаси 2030 йилнинг июнь ойи якунига қадар мўлжалланган. Футболчининг бозор қиймати 75 миллион еврога баҳоланмоқда.
