1982 йилги Жаҳон чемпиони Марко Тарделли ФИФА президенти Жанни Инфантинонинг сўзларидан ғазабда. Инфантино Италия терма жамоаси турнирга йўлланма олиши учун Жаҳон чемпионати иштирокчилари рўйхатини яна кенгайтириш вақти келди, қабилида ҳазил қилган эди.
«Бу Италияга нисбатан ҳурматсизликдир. Инфантино бундай оҳангда ва бундай тарзда гапиришга ҳаққи йўқ эди», — дея Тарделлининг сўзларини италиялик журналист Николо Скира келтиради.
Эслатиб ўтамиз, италияликлар кетма-кет учинчи марта Жаҳон чемпионатини ўтказиб юборишмоқда. Маълумот учун, Инфантинонинг ўзи ҳам миллатига кўра италиялик ҳисобланади.
