«Милан»нинг собиқ ҳужумчиси Алешандре Пато 2025/26 йилги мавсумда «россонерилар»нинг ўйини ҳақида ўз фикрлари билан ўртоқлашди.

«Умид қиламанки, «Милан»да ҳаммаси яхши бўлади. Сўнгги пайтларда уларнинг ишлари кўнгилдагидек кечмади, аммо қийин дамлардан доимо сабоқ чиқариш ва Чемпионлар лигасига қайтиш учун ўйинни яхшилашга ҳаракат қилиш керак. Ибрагимовичга ва «Милан»даги барчага энг яхши тилакларимни тилайман», — дея Патонинг сўзларини келтиради Sky Sports.

Эслатиб ўтамиз, Алешандре Пато 2007 йилдан 2013 йилгача «Милан» сафида тўп тепган. Бразилиялик футболчи умумий ҳисобда миланликлар сафида барча мусобақаларда 150 та ўйин ўтказиб, 63 та гол урган ва 18 та голли узатмани амалга оширган.