«Milan»ning sobiq hujumchisi Aleshandre Pato 2025/26 yilgi mavsumda «rossonerilar»ning o‘yini haqida o‘z fikrlari bilan o‘rtoqlashdi.
«Umid qilamanki, «Milan»da hammasi yaxshi bo‘ladi. So‘nggi paytlarda ularning ishlari ko‘ngildagidek kechmadi, ammo qiyin damlardan doimo saboq chiqarish va Chempionlar ligasiga qaytish uchun o‘yinni yaxshilashga harakat qilish kerak. Ibragimovichga va «Milan»dagi barchaga eng yaxshi tilaklarimni tilayman», — deya Patoning so‘zlarini keltiradi Sky Sports.
Eslatib o‘tamiz, Aleshandre Pato 2007 yildan 2013 yilgacha «Milan» safida to‘p tepgan. Braziliyalik futbolchi umumiy hisobda milanliklar safida barcha musobaqalarda 150 ta o‘yin o‘tkazib, 63 ta gol urgan va 18 ta golli uzatmani amalga oshirgan.
