Австрия терма жамоаси бош мураббийи Ральф Рангник «Милан» билан олиб борилган музокаралар, шунингдек, Италия клубидаги техник директорлик лавозимини эгаллашдан нима учун бош тортгани ҳақида гапириб берди.
«Илк алоқа ва музокаралар бундан уч ҳафта олдин бўлиб ўтганди. Мен энг бошиданоқ Жаҳон чемпионати бошлангунга қадар вазиятга ойдинлик киритилишини хоҳлашимни айтгандим — ўзим учун, жамоа, мамлакат, Австрия футбол ассоциацияси ва футболчиларим учун. Нима учун бу амалга ошмади? Чунки ҳеч қандай аниқлик йўқ эди», — дея Рангникнинг сўзларини келтиради Kronen Zeitung нашри.
Шанба куни, 13 июнь куни Рангник Австрия миллий жамоаси билан шартномасини узайтирди. Мутахассиснинг янги меҳнат битими 2028 йилгача мўлжалланган.
