«Реал» ва «Милан» клубларидаги ажойиб ўйинлари билан танилган афсонавий бразилиялик футболчи Кака Жаҳон чемпионати – 2026 мусобақасида Бразилия терма жамоаси устози Карло Анчелоттига тўлиқ ишонишини маълум қилди.
«Бу Анчелотти учун мураббий сифатидаги илк Жаҳон чемпионати, бироқ у улкан тажрибага эга. Ушбу мутахассис босим ва қийинчиликларни енгиб ўтишни жуда яхши билади. Карло тўғри қарорларни қандай топишни яхши англайди. Мен унга ишонаман. Ҳеч ким мундиални дастлабки учрашувдаёқ қўлга киритмайди. Бунга яқин орадаги мисол сифатида Аргентинани келтириш мумкин. Улар ҳам дастлаб мағлубиятга учрашган, якунда эса ЖЧ ғолибига айланишган эди», — дея собиқ футболчининг сўзларини келтиради ESPN нашри.
Турнирдаги иккинчи ўйинида Бразилия терма жамоасига Гаити терма жамоаси рақиблик қилади.













