Дортмунднинг «Боруссия» ва «Ливерпуль» клублари собиқ бош мураббийи Юрген Клопп ўзини аҳмоқ деб атади ва Германия терма жамоаси устози Юлиан Нагельсманндан узр сўради.
Бундан аввалроқ Клопп жонли эфир пайтида Нагельсманн ҳақида гапира туриб, «у ҳалиям таркиб танлаш билан овора» қабилида жумла ишлатиб юборган эди. Германия ва Кюрасао терма жамоалари ўртасидаги учрашувдан сўнг, у Бундестим мураббийининг ёнига бориб, ушбу гаплари учун шахсан узр сўраган.
«Мен бир нарсани англаб етдим: индинга 59 ёшга тўламан, лекин ҳалиям аҳмоқман. Нима иш қилманг, биз тўлиқ сиз томондамиз», — дея германиялик мутахассиснинг сўзларини келтиради Daily Mail нашри.
Эслатиб ўтамиз, Германия терма жамоаси рақибини 7:1 ҳисобида тор-мор этди. Жамоанинг навбатдаги рақиблари Эквадор ва Кот-д'Ивуар терма жамоалари бўлади.
