Мадриднинг «Реал» клуби муваффақиятсиз мавсумдан сўнг таркибни кучайтиришга жиддий киришди. «Қаймоқранглилар» аллақачон Дензел Дюмфрис, Ибраима Конате, Бернарду Силва ва Марк Кукурельянинг трансферларини келишиб бўлишди.
«Челси»нинг испаниялик ҳимоячиси (унинг тез орада Мадридга ўтиши якшанба куни маълум бўлганди) «қироллик клуби»нинг бу ёздаги сўнгги хариди бўлмайди. Таниқли инсайдер ва журналист Фабрицио Романонинг маълум қилишича, «Реал» трансфер бозоридаги ишларини ҳали якунлагани йўқ. Мадрид гранди раҳбарияти таркибга яна бир ёки бир нечта янги футболчиларни жалб қилиш ниятида.
Яқиндагина Жозе Моуриньо қўл остидаги жамоага ўтиш истагини худди шу «Челси» клуби ярим ҳимоячиси Энцо Фернандес ҳам билдиргани ҳақида хабарлар тарқалган эди.
