«Коринтианс» ҳужумчиси Алешандро Пато терма жамоага қайтганидан мамнун эканини маълум қилди.
«Менимча, «Коринтианс»даги ўйинларим учун мени терма жамоага чақиришди. Мен доимий тарзда майдонга тушишни хоҳлаган эдим. Ҳозир айнан шундай имкониятга эгаман.
Терма жамоага чақирилганимни туғилган кунимда билдим. Бу жуда ажойиб совға бўлди. Узоқ муддатли танафусдан кейин яна терма жамоа либосини кийдим. Бу ёғига жиддий ишлаш керак»,- дейди Пато.
Хабарингиз бор, Пато кеча Австралия терма жамоасига қарши ўйинда захирадан майдонга тушган ва битта голга муаллифлик қилган эди.
