Испания миллий терма жамоаси Жаҳон чемпионатидаги илк учрашувига тайёргарлик кўрмоқда. Бугун Луис де ла Фуэнте шогирдлари гуруҳ босқичи 1-тури доирасида Кабо-Верде терма жамоасига қарши майдонга тушадилар.
«Барселона» вингери Ламин Ямал, аввалроқ хабар берилганидек, жароҳатидан тўлиқ қутилиб, умумий гуруҳ машғулотларига қайтган бўлса-да, бўлажак баҳсда асосий таркибда майдонга тушмайди. «Қизил фурия» бош мураббийи 18 ёшли футболчининг жисмоний ҳолати «идеал даражада» эканига қарамай, уни учрашув давомида захирадан ўйинга қўшишни режалаштираётганини маълум қилди, деб хабар бермоқда ESPN.
Испания ва Кабо-Верде ўртасидаги баҳс Тошкент вақти билан соат 21:00 да бошланади. Испанияликлар 21 июнь куни Саудия Арабистони билан куч синашса, 27 июнда гуруҳ босқичининг сўнгги турида Уругвайга қарши баҳс олиб боришади.
