Каталониянинг «Барселона» клуби марказий ҳимоячиси Пау Кубарси «кўк-анорранглилар» устози Ханс-Дитер Флик ва «қизил фурия» бош мураббийи Луис де ла Фуэнтени ўзаро солиштирди.
«Де ла Фуэнте ва Флик бир-бирларига жуда ўхшаш. Бу икки мураббий ҳар доим ёрдам беришга шай туради. Улар сизнинг йўл қўйган хатоларингизга эмас, балки қилаётган ҳаракатларингиз ва машқларингизга эътибор қаратишади. Улар футболчиларга ишонч бағишлай олади. Уларнинг иш услубида ўхшаш жиҳатлар жуда кўп. Менга бундай ўйин услуби ёқади», — дея ҳимоячининг сўзларини Mundo Deportivo нашри келтирмоқда.
Эслатиб ўтамиз, Жаҳон чемпионатининг гуруҳ босқичида Испания миллий терма жамоаси Саудия Арабистони, Уругвай ва Кабо-Верде терма жамоалари билан куч синашади.
