Мадриднинг «Реал» клуби марказий ҳимоячиси Антонио Рюдигер жамоанинг янги бош мураббийи Жозе Моуриньо ҳақида нима деб ўйлашини айтгани хабар қилинди.
«Моуриньо каби мураббий билан ишлаш — бу шунчаки орзу. Мен у билан ҳамкорлик қилишга тайёрман», – дея Рюдигернинг сўзларини келтиради Madrid Zone.
«Бенфика»нинг собиқ устози «қаймоқранглилар» билан 2029 йилнинг ўрталаригача мўлжалланган шартнома имзолади. Жозенинг дастлабки мураббийлик даврида (2010–2013 йиллар) «Реал» бир мартадан Ла Лига, Испания кубоги ва мамлакат Суперкубогида ғолиб чиққан эди.













