Англиянинг «Арсенал» клуби «Рома» хавбеки Ману Коне трансфери устида иш бошлади. Бу ҳақда инсайдер Николо Скира хабар бермоқда.
Қайд этилишича, лондонликлар футболчи ҳақида маълумот сўрашган. Шунингдек, Англия гранди Коненинг агенти билан ҳам музокараларга киришган. Футболчининг «Рома» билан амалдаги шартномаси 2029 йилнинг ёзигача мўлжалланган.
Якунланган мавсумда Ману Коне 37 та учрашувда майдонга тушиб, иккита гол урди ва учта голли узатмани амалга оширди. Ярим ҳимоячининг бозор қиймати 50 миллион еврони ташкил этади. Футболчи ҳозирда Франция терма жамоаси сафида ЖЧ-2026 мусобақасида иштирок этмоқда.
