«Валенсия» ва «Эльче» клубларининг собиқ футболчиси Рафа Мир жинсий зўравонлик ва тан жароҳати етказиш иши бўйича саккиз ярим йилга озодликдан маҳрум этилди.
El Mundo нашрининг хабар беришича, бундай қарор Валенсия Провинция судининг Тўртинчи палатаси томонидан қабул қилинган. Суд, шунингдек, жабрланувчиларга товон пули тўланишини ҳам белгилади. Ҳукмга кўра, биринчи даъвогар 64 минг евро, иккинчиси эса 6280 евро миқдорида компенсация олади. Шу билан бирга, ушбу қарор ҳали қонуний кучга кирмаган ва томонлар ушбу ҳукм устидан апелляция аризаси беришлари мумкин.
Эслатиб ўтамиз, Рафа Мир суд жараёни давомида айбловларни рад этиб, барча ҳаракатлар икки томонлама розилик асосида бўлганини таъкидлаб келаётган эди.
