Эрон миллий терма жамоаси 2026 йилги Жаҳон чемпионати финал босқичи гуруҳ босқичи 1-туридан ўрин олган ўйинда Янги Зеландия билан дуранг ўйнади — 2:2.

Учрашув давомида янги зеландияликлар икки бор ҳисобда олдинга чиқиб олишди — ярим ҳимоячи Элайжа Жаст дубль қайд этди (7 ва 54-дақиқаларда). Эронликлар эса иккала сафар ҳам мувозанатни тиклашга муваффақ бўлишди: 32-дақиқада ҳимоячи Рамин Ризоиян, 64-дақиқада эса Муҳаммад Моҳеби рақиб дарвозасини ишғол қилди.

Янги Зеландия терма жамоаси бир очко билан ЖЧ-2026 «G» гуруҳи турнир жадвалида биринчи ўринни эгаллаб турибди. Эрон терма жамоаси ҳам (бир очко) иккинчи ўринда бормоқда.

Гуруҳ босқичининг 2-турида Янги Зеландия 22 июнь куни Миср билан, Эрон эса 21 июнда Бельгия билан куч синашади.

ЭРОН — ЯНГИ ЗЕЛАНДИЯ — 2:2
Голлар: Элажа Жаст 7 (0:1), Рамин Ризоиян 32 (1:1), Элажа Жаст 54 (1:2), Муҳаммад Моҳеби 64 (2:2).
Эрон: Бейранванд, Халилзода, Немати, Муҳаммади, Ризоиян, Эззатоллаҳи, Годдос (Ҳажсафи, 65), Юсефи (Қойиди, 46), Моҳеби, Тареми (Ҳусайнзода, 80), Моғанлу (Алипур, 53).
Янги Зеландия: Крокомб, Боксалл, Сармен, Какаче (Олд, 68), Пэйн (Эллиот, 78), Белл, Стаменич (Биндон, 90), Сингх (Рэнделл, 90), Жаст, Макковатт (Томас, 68), Вуд.
Огоҳлантириш: Ҳажсафи (89).